Markmið skólans er að aðstoða fó

Markmið skólans er að aðstoða fólk við að tengjast eigin kjarna og eflast í að hlusta á innsæið

Hver er ég

Ertu að leita að því “hver þú ert” og hvað þú vilt fá út úr lífinu?

Hefur þú þörf fyrir að gera einhverjar breytingar á lífi þínu?

Langar þig að komast að hverjir hæfileikar þínir eru og styrkja þá og efla?

Hefur þú löngun til að nýta betur hæfileika þína?

Styrkjast í því að hlusta á innsæið?

Taka ábyrgð á eigin lífi og skapa ný tækifæri, því þú ert skapari lífs þíns?

Hver stjórnar þínu lífi, ert það þú sjálf(ur) eða e.t.v einhver annar?

Viltu finna þinn innri frið, hamingju og jafnvægi?

Ertu tilbúin/n að tengjast þínum “innsta kjarna” og fylgja honum?

Siðareglur Kjarnans

Nemandi hefur þagnarskyldu og trúnað við samnemendur sína og leiðbeinendur.

Honum ber ávallt að sýna þeim virðingu og traust.

Það sem rætt er í trúnaði sé ávallt haldið innan hópsins.

Nemandi ber sjálfur ábyrgð á námi sínu, orðum og gjörðum, ekki leiðbeinendur.

Nemandi beri virðingu fyrir sjálfum sér og námi sínu.

Virða ber trú og skoðanir samnemanda og leiðbeinenda.

Nemanda er óheimilt að vera undir áhrifum áfengis eða hverskonar vímuefna.

Markmið Skólans

Hópastarfið:

Grunnur kennslunnar verður “Kjarnavinna” sem er sjálfsvinna þar sem aðaláhersla verður lögð á að tengjast kjarnanum, tengingu við æðra sjálfið , innri þekkingu sem við höfum öðlast í gegnum líf okkar nú og fyrri líf, auka næmnina og tengjast hæfileikum okkar, einnig efling í að hlusta á innsæið, sem er í raun það eina í lífinu sem er fullkomlega treystandi. Einnig að styrkja sjálfsmyndina. Við veljum sjálf hvað við gerum með hæfileika okkar. Hugleiðslan er m.a góð leið til að ná þeirri tengingu og verður lögð mikil áhersla á hana og verður undirstaða sjálfsvinnunnar.

Hugtakið “Ég er” er grunnur námsefnisins. Merking þess er að í okkar innsta kjarna séum við með tengingu við okkar eigin guðlega kjarna og við kjarna Alheimsins.

Nemum verður leiðbeint við að efla tengingu við hinn guðlega kjarna. Til að ná þeirri tengingu er nauðsynlegt að þekkja sjálfan sig, bæði styrkleika og veikleika. Einnig að skoða hin ýmsu hlutverk okkar í lífinu.

Áhersla verður lögð á sjálfstæða hugsun og sjálfsskoðun, bæði sem andlegar og jarðneskar verur. Í því felst að efla tengingar okkar við okkur sjálf (efnið og andann), líkamann, okkar eigin guðlega kjarna og sköpunina sem við búum öll yfir.

Þeir sem hafa áhuga á að þjálfa sig áfram í heilun og miðlun er í undirbúningi breytt form.

Í hverjum hóp eru 6 - 10 manns. Hóparnir hittast vikulega, 2 klst í senn.

Skyggnilýsing

Heilun

Nemar Kjarnans munu gefa fría heilun í vetur eins og þeir hafa gert frá hausti 2008.