Friðbjörg Óskarsdóttir

 Gsm: 862-0884

fridosk@simnet.is

Heilun, ráðgjöf, bæna og kjarnahringir, fræðslufyrirlestrar.

Friðbjörg starfar við heilun með leiðsögn, transheilun, kjarna- og þróunarhópa og heldur fræðslufyrirlestra. Grunnur hópavinnunnar er að styrkja sjálfsmynd, læra að hlusta á innsæið vinna með næmnina og skoða hverjir hæfileikar okkar og draumar eru og styrkja þá. Við þurfum að velja sjálf hvað við viljum gera við hæfileika okkar. Þegar við styrkjum sjálfstraustið erum við fær um að láta draumana rætast, sem við höfum e.t.v. átt í mörg ár en ekki þorað að framkvæma.  Með auknu sjálfstrausti og trausti á þann kraft sem innra með okkur býr eykst styrkur okkar að fylgja og treysta innsæinu.  Friðbjörg hefur í mörg ár unnið út frá hugtakinu ''Ég er'' og að skoða ''Hver við erum'' og “Hver við viljum vera”. Hún kýs að kalla það “Kjarnavinnu”. Hina innstu tengingu við æðra sjálfið og þá þekkingu sem við höfum öðlast í gegnum lífin okkar.  Í hugtakinu ''Ég er'' fellst að við erum partur af heildinni og sköpuninni.

Friðbjörg  hefur í mörg ár unnið við að leiða fólk í tengingu við sín fyrri líf og hjálpað þeim við að leysa upp og umbreyta hindrunum sem hamla þroska og vellíðan í lífi þeirra nú.  Í dag er það viðurkennt af miklum fjölda meðferðaraðila, að margt úr okkar fyrri lífum getur verið örsök að margvíslegum vanda bæði andlegum sem líkamlegum í lífi okkar í dag.  Þessi meðferð hefur gjarnan gjörbreytt lífi fólks og vanlíðan sem e.t.v. hefur lengi verið glímt við horfið.

Friðbjörg hefur á undanförnum árum unnið mikið með börn og unglinga sem eiga í örðuguleikum með næmnina og glíma við allra handa vanlíðan og mun hún gera það áfram. Hún mun bjóða upp á fræðslufyrirlestra þar sem hún fer inn á svipuð mál og í hópunum og er hægt að fá hana til að koma í starfsmannhópa, skóla, saumaklúbba, eða hvers konar aðra hópa.
 

Friðbjörg hefur átt sér draum til margra ára, að stofna skóla og víkka út hópastarfið.  lét hún ásamt þremur öðrum konum þann draum rætast nú haustið 2007 þegar ''Kjarninn mannræktarskóli Kærleiksseturs''hóf starfsemi sína.  Er hún með miklar hugmyndir og margar þeirra mjög stórtækar í sambandi við þróun skólastarfsins.  Eiga þær hugmyndir eftir að koma í ljós í tímana rás.  Þar með eru hugmyndir um að fara í útrás með starfið.  Ætlar hún að sýna í verki það sem hún hefur kennt í mörg ár að við getum, þegar við erum tilbúin, látið drauma okkar rætast.

Friðbjörg hélt utan um hópastarf Sálarrannsóknarfélags Íslands frá 1994 þar til 1. október 2005 að Kærleikssetrið var stofnað og hefur hún verið með hópastarf þar síðan.  Við stofnum Kjarnans mannræktarskóla Kærleiksseturs var allt hópastarf fært undir hann.